到2008年7月喇...

®

7月份, 我只係搵到一份相,
所以我就當只有一件事發生啦.....

話說7月尾既時候, 我地幾個朋友仔相約好去沙灘.....
咁我地一行人就係7月27號, 浩浩蕩蕩咁去左赤柱沙灘啦~

好耐冇試過只為游水而去沙灘喇....
赤柱, 大家都知果度係沙灘勝地.....
我記得因為我地有人要返工既關係,
選擇係weekend去~
果日人山人海...我地求其搵個地方, 佈置好沙灘墊同沙灘傘,
就仆出去玩喇~

                都唔知駱駝係我背脊搞咩呀....                                                      哈哈~大細路, 玩泥沙呀....

                         細包既神秘儀式!!??                                            大合照︰車厘子, 駱駝, 拖鞋, 細包, Sam

             Sam: 必殺!!大石壓死蟹!!!!

哈哈~
我地玩到5, 6點, 個天就有少少雨落喇....
我地就拿拿淋執野換衫啦....
點知!!!換好哂之後, 佢就冇落雨喇~
結果我地係赤柱行左一陣街街~
係果個赤柱市集裡面呀, 有間鋪頭賣d玩具呀, 按摩椅呀...
好多種野賣呀....我地又係裡面睇左一陣~

               我唔記得左呢個碼頭係去邊架喇.....                                                  臨別一張亂企相

                                          Take 1                                                                                Take 2

               赤柱大街 with 唔知咩樣

好耐冇打喇...日記-->週記-->月記

®

2008年6月

其實.....都事隔咁耐.....好多野都真係唔記得左喇~
好彩仲有些少相可以勾起返我既回憶.....

睇返呢d相....應該係08年暑假, 我返暑期工之前影既,
因為開始左暑期工之後, 都冇咁多時間走去玩lu~~

哈哈!!!!係我地係考試前, 籌備已久既貝澳camp呀~
原本, 我地打算去3日2夜架.....
可惜, 因為天氣"勁惡劣"既關係....縮短至得返2日....
不過, 都依然係好精彩既camping~

話說...我地係東涌出發既時候, 天氣雖然唔係太好...
但都不至於係惡劣~
我地仲係Taste度見到"五色戰隊"~

                                           五色戰隊                                                         出發前合照(sam+拖鞋+細包) 

                出發前合照(sam+拖鞋+啤梨)                                                                          行車中又影

                       起好哂d野喇  -->  天幕+營

搞掂哂到步應該要做既野之後呢, 我地就放心咁去玩啦.....
去得貝澳, 玩既野都離唔開沙灘, 海水...當然仲有整到啤梨濕哂啦~

                                 一堆騎呢post....

                                     準備開始                                                                                     堆泥

                                            追打                                                                                         推倒

哈哈~總之就好開心啦....
可惜......好景不常,
落大雨呀, 淋到我地濕哂, 跟本就唔可以係貝澳過夜呀~
於事, 我地就去左梅窩租渡假屋喇~
嘩!!!!勁貴呀, 要成$400一晚.....仲要係套房......
不過都冇辦法啦....鬼叫大雨到頂唔順咩~
我地入左屋, 沖哂涼就煮野食lu....
跟住再夜d, 我地又出左去買野返去飲, 跟住就訓覺lor~
都唔知訓到幾點, 起身之後, 又影左一堆相wor~

                         哈~拖鞋煮                                                                            我地食

                         套房(Open room)就係咁                                                               買左野飲返黎呀~

                                  嘩!!大被同眠                                                                                    亂訓

話咁快就過左兩日一夜喇~
我地返番去東涌.....
拖鞋話一定要去Pacific先至覺得去過camp wor~
咁我地一行人仔就去左飲咖啡喇~
我地之後諗住返學校游水呀...
點知!!!!!學校話唔比沙灘褲入wor.....咁我地又撲個空喇....

               係渡假屋附近曬乾少少d天幕先........                                     返到學校又影左幾張, 排排企~

keep on~

®2月27日

今日同SBI新既同學仔去打羽毛球呀!!!!!

好開心, 有得打波~

雖然打既人唔多, 但都笑料百出~

   人少少, 得5個 (from left: 駱駝, 梅毒, Sam, 拖鞋, 下:細包)

哈哈~

我地打double, 所以打得好快呀~

打到一半, 拖鞋話每贏一球, 都要做招牌動作wor~

於是就有好多不知所謂既動作走左出黎喇~

再打多一陣, 梅毒竟然係度畫"的緒"wor.......(頭痛果d呢)

唔係太清, 大家都郁緊嘛~

                                   細包+拖鞋                                                                         駱駝+Sam

                              仲要有幕後黑手~

打完之後, 駱駝就走人喇........我地就去左沙田打邊爐~

join埋13妹同啤梨~

                           用飲管飲啤酒, 聞所未聞呀~

                                  啤梨表演吞爆丸呀                                                                     梅毒+十三妹

好耐冇打喇.................

就由2月24日好似打返啦, 之前既唔太記得喇~

®2月24日

今日係church既一班fd, 安排左1個week既行山日~

可惜今朝既天氣有d唔穩定..........擔心行程會受阻~

係祟拜之後, 我地決定由行"天梯"一段, 改圍"城門水塘"一周行~

我地一開始就係起點度大合照先~

                               大合照

行左都唔夠4個鐘, 好似唔係好夠咁, 不過有時悠閒咁行下山都係好既~

我地仲經過幾個景點tim呀~

      呢個角度睇d樹, 好靚呀~                                                 一行人隨意企wor

                                                                 (from left: Sam, 曉, Nicole, 致弟, 君, 呂先生, 寶欣, brokie拍 )

呢個係最接近水塘水既地方, 我地就呂先生意願, 擺出畸呢post

                                     靚景!!!靚人??                                                         沿途都有勁多monkey呀~

我地行到差唔多5點, 之後去左荃灣食"元氣"跟住就各自回家了~

期待下一次既outing呀~

佈置聖誕~~

R

呢兩日都去左老人中心作聖誕佈置呀~